आवाहन

                                     सोरठा 

        सिद्धि   सुमिरतहिं   होय,  सर्व  रूप निर्गुण सगुण /

        बुद्धि  विनायक  सोइ ,  भक्त  हेतु  प्रगटहिं  भुवन //

        शक्ति विभूति निधान,विमल बुद्धि शुभ गुण सदन /

        करहिं  जासु  गुण  गान ,  वेद ,  शारदा ,  देवगण /

        सो    योगेश्वर     रूप    ,  ब्रह्म     सच्चिदानंदघन /

        ह्रदय  बसहु   सुर भूप , शंख , चक्र , गद ,पद्म धर //

        अदभुत  रूप   निहार  ,  करूँ  वन्दना  ध्यान  धर /

        द्रवहु  विश्व  करतार , विनवहुँ  प्रभु  कर जोरिकर //

        मोपर  कीजै   छोहु  ,  नर   नारायण   पार्थ   हरि /

        कबहुँ  घटै  जनि  नेहु , मागहुँ  गहि  पद  पंकरुह //

        बन्दहुँ मुनिपदकंज , सिद्ध शिरोमणि व्यास मुनि /

        भगवत गीता दीन्ह , भव तारणि कलिमल हरनि //

        बन्दहुँ  सदगुरुदेव ,  पदपंकज   रज   शीश   धरि /

        रचवायहु   गुरुदेव  ,  गीता  मानस  जगत   हित //

        प्रणवहुँ पवन कुमार , भक्त  शिरोमणि ज्ञान निधि /

        विमल  बुद्धि  आधार , काव्यरूप  कलिमल  दहन//

                                       दोहा 

            विश्वरूप भूदेव सब,निज निज अासन लेहु /

            वरणहुँ,गीता ज्ञान अब,विमल बुद्धि वर देहु//